Tanga Jiji, wadau wazindua mkakati kupunguza ajali za barabarani

Mkuu wa Wilaya ya Tanga Hashim Mgandiliwa (katikati) ambaye amemwakilisha Mkuu wa Mkoa wa Tanga Omari Mgumba akikata utepe kuashiria kuzinduliwa kwa Mpango Mkazi wa Safari Salama na Endelevu kwa Jiji la Tanga uliondaliwa kwa ushirkiano wa wadau wote wa usalama barabarani ndani ya Jiji hilo pamoja na Shirika la Amend.Wa kwanza kulia ni Meya wa Jiji la Tanga  Abdulrahman Shilow, wa pili kulia ni Meneja Miradi wa Shirika la Kimataifa la GRST kutoka Geneva ,Uswis  Atsani Ariobowo.Wa kwanza kushoto ni ACP Chding Mwafimbo ambaye ni Mwakilishi wa Kamanda wa Polisi Mkoa wa Tanga na wa pili kushoto ni MKurugenzi wa Shirika lisilokuwa la kiserikali la Amend Tanzania Simon Kalolo.Mpango huo umezinduliwa jana.(NA MPIGA PICHA WETU)

 Na Mwandishi Wetu,Tanga


HALMASHAURI ya Jiji la Tanga kwa kushirikiana na wadau wa usalama barabarani wamezindua Mpango wa Safari Salama na Endelevu kwa Jiji hilo lengo likiwa ni kuwa mikakati endelevu wa kuendelea kupunguza ajali za barabarani huku ikielezwa takwimu zinaonesha kwamba mwaka 2021 zaidi ya asilimia 30 ya watu wamepoteza maisha kutokana na ajali za barabarani , hivyo kupoteza nguvu ngazi ya Taifa.


Akizungumza wakati wa uzinduzi wa Mpango huo jana Mkuu wa Wilaya ya Tanga Hashim Mgandilwa ambaye alimwakilisha Mkuu wa Mkoa wa Tanga Omari Mgumba , aliesema mpango huo umelenga kupunguza ajali za barabara hadi kufikia asilimia 50 ifikapo mwaka 2025 ambao unafadhiliwa na taasisi  ya Amend kwa ufadhili wa Botnar foundation.


Alifafanua kuwa ajali za barabara zimekuwa zikisababisha nchi kuingia gharama kubwa kwa ajili ya kutibu majeruhi wanaotokana nanajali hizo huku familia zikiingia kwenye utegemezi jambo ambalo wakati mwingine hupelekea athari za kiuchumi kwenye ngazi ya familia hadi jamii.


Hivyo amesema kuzinduliwa kwa mpango huo ni sehemu ya mafanikio ya kupunguza changamoto za ajali za barabara hivyo iwapo wadau wote watashirikishwa na kusimamiwa kwa ufanisi  utaweza kuleta  mabadiliko makubwa ikiwemo kupunguza au kumaliza kabisa changamoto za usalama barabarani.


“Mpango Kazi wa Safari Salama na Endelevu unakwenda kupunguza changamoto za ajali, hivyo niwaombe  Shirika la Amend kwa kushirikina na Jeshi la Polisi pamoja na wadau wengine wanaohusika na miundombinu ya barabara zetu kuendelea kutoa elimu ya usalama barabara kwa wananchi sambamba na watumiaji wa vyombo vya moto kuheshimu alama za barabara sambamba na madhara ya kuhujumu miundombinu hiyo,”alisema Mgandiliwa.


Kwa upande wake Mkurugenzi wa Shirika la Amend Tanzania Simon Kalolo alisema Mpango Kazi wa Safari Salama na Endelevu kwa Jiji la Tanga umeandaliwa kwa ushirikiano kati ya Halmashauri ya Jiji la Tanga, Amend, Fondation Botnar, wakala wa serikali wa barabara TANROADS na TARURA, shule za msingi na sekondari, asasi za kiraia, vijana, mashirika ya kimataifa, sekta binafsi, watumiaji wa barabara na wadau wengine. Haya ni matokeo ya ushirikiano endelevu wa masuala ya usalama barabarani na usafirishaji ulioanza mwaka 2019.


“Mpango Kazi huu umeanisha mikakati 10  ambayo imekubaliwa na wadau, na fedha za utekelezaji zimekwisha ainishwa hivyo utekelezaji wake umekwisha anza. Mikakati ambayo imeanishwa ni pamoja na kampeni ya usalama barabarani kwa umma kupitia vyombo vya habari, kuwashirikisha wanasiasa kwenye masuala la usalama barabarani, kuwashirikisha Maafisa Maendeleo ya Jamii kwenye kufikisha ujumbe wa usalama barabarani kwa jamii, kuhamasisha uboreshaji wa miundombinu salama ya watembea kwa miguu kwenye maeneo ya shule, kuanzisha na kusimamia maeneo salama ya shule, kuimarisha elimu ya usalama barabarani mashuleni, kuhakikisha njia za watembea kwa miguu zipo wazi bila kutumiwa na wafanyabiashara, wajasiriamali, bodaboda na magari, kutoa mafunzo kwa madereva wa pikipiki, kutoa mafunzo ya huduma ya kwanza mashuleni na kwa waendesha bodaboda, pia kuimarisha ushiriki wa wadau wengine.


“Aidha Mpango umeainisha matarajio nane kupitia mijadala iliyohusisha wadau mbalimbali ambayo itachangia kuleta manufaa ya muda mrefu. Katika kuongeza kasi, tunatazamia ushirikiano wa karibu kati ya serikali na sekta binafsi ili kugeuza matarajio haya kuwa vitendo. Matarajio hayo ni pamoja na kuhakikisha kuna ufadhili endelevu wa Mpango Kazi huu, kupitia upya faini za makosa ya barabarani na matumizi mabaya ya miundombinu, kuzingatia safari salama na endelevu katika mipango miji, kurasimisha sekta ya bodaboda, kuimarisha ukaguzi wa vyombo vya moto, kuboresha taa za mitaani na barabarani, kuboresha mfumo wa kushughulikia matukio ya ajali za barabarani na kukuza matumizi ya teknolojia na ubunifu katika kuboresha usalama barabarani,”alisema Kalolo


Awali akizungumza kwa niaba ya Kamanda wa Jeshi la Polisi Mkoa wa Tanga Inspekta George Elihaki alisema kwa kushirikiana na Amend wameweza kutoa elimu ya usalama barabara kwa  waendesha bodaboda takribani 500 ndani ya Jiji hilo na kupitia elimu hiyo imesaidia watumiaji wa vyombo vya moto wakiwemo waendesha bodaboda kupunguza ajali za barabarani.


 “Kutokana na kundi hili la bodaboda kuwa miongoni mwa wahanga wakubwa wa ajili za barabara tulianza na kutoa elimu kwao ili waweze kujilinda na ajali za barabara lakini na umuhimu wa kuheshimu na kutii kanuni za usalama barabarani ili kujilinda wao na watumijia wengine wa barabara hizo,"alisema.

This is received, thanks for your comments, will come back to you

Previous Post Next Post