VIJANA 80 WENYE MAZINGIRA MAGUMU MUFINDI WAFIKIWA NA MTAJI WA NGURUWE

 


HALMASHAURI ya  wilaya ya  Mufindi  mkoani  Iringa  kwa  kushirikiana na mradi  wa  Youth Angecy Mufindi (YAM)  yatumia  kiasi cha zaidi ya    shilingi milioni 14  kuwapatia  msaada  wa nguruwe  vijana 80  wanaotoka  katika  mazingira  magumu  kwenye  kata  tatu  za  Luhunga, Ihanu na Mdabulo.

Akikabidhi  jana  msaada  huo  wa  nguruwe meneja  mradi  wa YAM Zilipa Mgeni  alisema  kuwa  mradi  huo  wa  YAM umekuwa  ukitekelezwa  kwenye vijiji 16  vya kata  tatu  za  Ihanu ,Luhunga na Mdabulo huku  walengwa  wakubwa  wa  mradi huo  wakiwa ni vijana  wanaotoka katika  mazingira  magumu  ambao  baadhi yao ni  wale  ambao  wamekatisha  masomo  kutokana na changamoto  mbali mbali  za kimaisha.

Mgeni  alisema  vijana hao  kabla ya  kukabidhiwa  mtaji  wa  nguruwe  kwa  ajili ya  kwenda  kufunga kama sehemu ya  mradi  wa  kiuchumi  kwao  ,mradi   huo  uliweza  kuwapatia  elimu ya ujasiliamali  pamoja na elimu ya  afya ya  akili  ili  kuweza  kujitambua na  kwenda kuondokana na maisha ya  kushinda  vijiweni  bila kazi  za  kufanya  kutokana na kukata tamaa ya maisha .


Alisema kuwa  kupitia mradi  huo  wa miaka minne ulioanza  mwaka jana   vijana  hao  wataendelea  kunufaika na mradi huo unaotekelezwa kwa  ushirikiano mkubwa na  serikali ya  Halmashauri ya  wilaya ya  Mufindi.

Hivyo alisema  Halmashauri ya Mufindi chini ya mradi wa Foxes  Community and Wildlife Conservation( FCWC) na YAM kupitia ufadhili wa Finland utakelekelezwa kwenye kata za Luhunga ,Ihanu na Mdabulo ni mradi utakaonufaisha  vijana na  watoto  wanaotoka  katika  familia duni zaidi ya   vijana 770  atika  vijiji 16.  

Mgeni  alisema  kuwa vijana  hao  ambao  wamepatiwa  mtaji  wa  Nguruwe  hao  ni  sehemu ya  vijana 770  ambao  watanufaika na mradi  huo kwa  kipindi  chote  cha miaka minne ya  utekelezaji  wa  mradi  huo katika kata  hizo  tatu  za  wilaya ya  Mufindi.

Alisema  kila kijana  ambae ni mnufaika na mradi  huo amepatiwa mtaji  wa  nguruwe mbili  moja  jike na nyingine  dume  pamoja na chakula  cha  kuhudumia nguruwe  hao  kwa  kipindi  cha mwezi  mmoja  wa  mwanzo .


Akizungumza  kwa niaba ya  wanufaika  wenzake  wa  mradi huo Iren Chumi  alisema  kuwa msaada  huo  ni ukombozi  mkubwa  kwake  kwani  kwa  muda alikuwa  akitamani  kuwa mfugaji  wa nguruwe  lakini changamoto  kubwa hakuwa na elimu na mtaji  wa kuendeshea shughuli   hiyo ya ufugaji  hivyo  kupitia msaada  huo  wa YAM ni  mwanzo  kwake  kupiga hatua ya  kiuchumi pamoja na kutimiza ndoto  yake.

Kaimu  mtendaji  wa kata ya  Luhunga Vumilia  Nyunza alipongeza  mradi huo  wa YAM na Halmashauri ya  Mufindi  kwa  kuwafikia  vijana  hao  wenye mazingira  magumu na kuwa  kupitia msaada  huo ana amini  vijana  wengi  waliokuwa  wakishinda  vijiweni  sasa  watajikita katika  shughuli za  uzalishaji mali.

This is received, thanks for your comments, will come back to you

Previous Post Next Post