MAREU WATUMA SALAAM KWA MHE.RAIS

Na Mwandishi Wetu, Arusha

Wananchi wa Kijiji cha Mareu, Kata ya King'ori Halmashauri ya Wilaya ya Meru wameishukuru Serikali ya awamu ya sita ikiongozwa na Mhe.Rais Samia Suluhu Hassan kwa kutoa Shilingi Milioni 250 fedha za tozo za miamala ya simu kwaajili ya ujenzi wa Kituo cha Afya katika Kijiji hicho.

Wakizungumza Kwa nyakati tofauti wakati wa ziara ya Naibu waziri wa Afya,Maendeleo ya Jamii, Jinsia, Wazee na Watoto, Dkt Godwin Mollel,  Wananchi hao wameishukuru Serikali kutoa fedha hizo Milioni 250 kwaajili ya kujenga Kituo cha Afya kwenye Kijiji Chao ambapo watapata huduma za afya katika umbali mdogo.

 "Tunamshukuru Mhe.Rais Samia Suluhu Hassan kutoa fedha hizi kwani tulikuwa tunafuata huduma za afya Mkoa wa jirani au katika Hospitali  ya Wilaya iliyopo mbali na kijiji hichi, hivyo niwaombe Watanzania wenzangu tushirikiane katika Kujiletea maendeleo" amesema Janeth 

Kwa upande wake Magdalena amesema  Wanawake wa Kata ya King'ori hawana budi kumshukuru Rais kwa ujenzi wa Kituo hicho cha Afya kwani ni wanufaika wakuu hususani katika Suala la kujifungua.

 "Tunaishukuru Serikali kupitia fedha za tozo tutajifungulia Sehemu salama na kupata huduma Bora za afya.

Katika ziara hiyo Naibu Waziri, Dkt. Godwin Mollel aliongozana na Dkt.John D Pallangyo Mbunge wa Jimbo la Arumeru Mashariki ikiwa ni ziara ya Mhe.Mbunge kutembelea na kukagua miradi ya maendeleo Jimboni sambamba na kusikiliza na kutatua kero za Wananchi.