Wajasiriamali washauriwa kujisajili huduma ya duka mtandao kuwarahisishia mawasiliano

 Na Hamida Ramadhan,Dodoma

KATIKA kuongeza wigo wa biashara za wajasiriamali wa mtandao nchini, pamoja na wadau mbalimbali wa maendeleo  Shirika la Posta Tanzania (TPC)limewataka wafanyabiashara kujisajili katika huduma ya duka mtandao (Posta Online shop) lenye zaidi ya lugha 20 zinazotumiwa duniani.


Hayo yamesemwa jijini hapa na Kaimu Posta Masta Mkuu wa  shirika la posta (TPC ) Macrice Mbodo wakati  akifungua mkutano wa  maadhimisho ya wiki ya Posta Duniani yaliyoambatana na uzinduzi rasmi wa duka la Posta mtandaoni  utakaofanikisha mikakati ya shirika hilo kukuza uchumi na kujitegemea huku akisema duka hilo pia limeenzi lugha ya kiswahili.


Aidha amebainisha kuwa kupitia uzinduzi rasmi wa duka hilo,wamekuja na huduma mpya tatu ambazo ni Posta Kiganjani, Vituo vya Huduma kwa wateja Pamoja na Duka Mtandao

Amesema huduma hiyo inategemea zaidi ushirikiano wa watanzania na kwamba  iwapo wizara na taasisi zote zitafungua vituo vya huduma pamoja posta ni wazi huduma nyingi wanazotoa zitapatikana kwa urahisi na kuongeza mapato yatayosaidia kukuza uchumi na kuondoa utegemezi.


"Kupitia huduma ya duka mtandao ambayo inasimamiwa na shirika la Posta Tanzania tumefanikiwa kupata zaidi ya Sh.milioni 300 huku Watanzania wengi wakiendelea kujisajili kutumia huduma hii, juhudi zetu ni kuhakikisha Watanzania wengi wanajiunga na duka mtandao ili kufanya biashara zao kwa gharama ndogo,"anaeleza.


Sambamba na  hayo Mbodo amesema iwapo Watanzania watatumia shirika hilo ni wazi kuwa thamani ya TPC siku moja itakuwa kama Amazon au Ali Baba kwenye eneo hilo la duka mtandao.


"Tumepiga hatua,kupitia duka mtandao Mteja atajisajili kwa njia ya mtandao, ataweka bidhaa zake na maelezo kama bei, uzito na akishamaliza mteja ataweza kuona bidhaa hizo kupitia duka  mtandao (Posta Online shop)Mteja anaweza kupitia huduma za kifedha za Tigopesa, M-pesa, Airtel Money au kwa Credit Card na Shirika la Posta litaenda kuchukua hiyo bidhaa kwa muuzaji na kuipeleka kwa mteja iwe ndani au nje ya nchi," amesema.


Akizungumzia  kuhusu dhana inayosambaa kuhusiana na utapeli kwa bidhaa za mtandao, Kaimu huyo amesema Shirika la Posta ni la kiserikali ila itakapotokea kuna hitilafu kwenye bidhaa Shirika litamtafuta muuzaji wa bidhaa ili iweze kubadilishwa na kuipeleka tena kwa mteja, Shirika  hili ni kongwe na limeenea nchi nzima.


Nae Naibu Waziri wa Wizara ya Habari , Mawasiliano,Teknolojia ha Habari Mhandisi Kundo Methew ametumia nafasi hiyo kueleza Umma historia ya Shirika  la Posta Tanzania (TPC)na kueleza kuwa lilianzishwa mwaka 1994, ambapo hadi sasa linatoa huduma nchini kote na kujinga na mashirika mengine zaidi ya 650,000 duniani.


"TPC inatoa huduma kupokea na kusambaza barua, vifurushi, kadi, magazeti, majarida, huduma ya mtandao, huduma pamoja na nyingine nyingi,dira ya TPC ni kuhutoa huduma ndani na nje katika ubora, kwa wakati na kueleweka,tutahakikisha tunatoa huduma ya bora ambayo inatambulika ulimwenguni na kukidhi malengo ya wateja,"amesema.

This is received, thanks for your comments, will come back to you

Previous Post Next Post