WAZIRI KABUDI AZITAKA NCHI ZA JUMUIYA YA AFRIKA MASHARIKI KUWA WABUNIFU, KUWEKEZA KATIKA SEKTA YA MIUNDOMBINU

Waziri wa viwanda na biashara  ,Innocent Bashungwa akizungumza na waandishi wa habari jijini Arusha katika mkutano wa Wafanyabiashara wa jumuiya ya Afrika Mashariki unaofanyika jijini Arusha.
Mwanzilishi wa kampuni ya Quickmarc ,Jiten Shah  akizungumza na waandishi wa habari katika maonyesho ya Wafanyabiashara wa jumuiya ya Afrika .
 Afisa masoko mkuu wa kampuni ya Motisun Group iliyopo jijijini Dar es Saalam,Erhard Mlyansi watengenezaji wa bidhaa mbalimbali yakiwemo mabati ya kiboko , akizungumza na waandishi wa habari katika maonyesho ya Wafanyabiashara wa jumuiya ya Afrika Mashariki yaliyoandaliwa na Baraza la Wafanyabiashara wa jumuiya ya Afrika Mashariki.
………….
Happy Lazaro,Arusha.
Waziri wa Mambo ya nje na ushirikiano wa kimataifa,Paramagamba Kabudi amezitaka nchi za jumuiya ya Afrika mashariki kuwekeza katika sekta ya miundo mbinu ili kuwa na nishati ya kutosha kwa ajili ya ujenzi wa viwanda .
 
Amesema hatua hiyo itawezesha biashara kukua kwa nchi za jumuiya hiyo kiwemo kuongeza sayansi ,Teknolojia na ubunifu kwa Vijana wenye ujuzi wa kufanyakazi kwenye viwanda  hivyo.
 
Ameyasema hayo katika mkutano wa Wafanyabiashara zaidi ya 1000 wa nchi za Afrika mashariki ulioandaliwa na Baraza la Wafanyabiashara wa nchi za Afrika  Mashariki (EABC) unaofanyika kwa siku mbili jijini Arusha na kwenda sambamba na maadhimisho ya miaka 20 ya jumuiya ya Afrika Mashariki.
 
Prof.Kabudi amesema kuwa,nchi zilizo nyuma katika maendeleo ya viwanda zinapaswa kusaidiwa ili kupata viwanda  na kuweza kuzalisha bidhaa na kuuza kwenye soko la pamoja la jumuiya ya Afrika Mashariki.
 
“lazima nchi ziwe na viwanda vya kutosha na kufanyabiashara nzuri ,kwa sababu jumuiya ni ya  watu wote na lazima iwanufaishe wananchi wote”Amesema
 
Naye waziri wa viwanda na biashara Innocent Bashungwa amesema kuwa uchumi wa nchi za jumuiya ya Afrika Mashariki lazima ujengwe kupitia sekta binafsi za viwanda,kilimo, Mifugo na kuimarisha miundo mbinu .
 
Amesema serikali ya Tanzania inajitahidi kuweka mazingira Bora kwa wafanyabiashara ili biashara zao zinakua na kuhakikisha wanafanyabiashara  nje ya Tanzania bila kikwazo chochote .
 
Waziri Bashingwa ametumia wasaa huo kuwakaribisha wawekezaji kuja hapa nchini kuwekeza viwanda kwa ajili ya vifungashio na kuviuza katika nchi wanachama.
 
Baadhi  ya Wafanyabiashara waliohudhuria mkutano  huo,  Erhard  Mlyansi ambaye ni Afisa masoko mkuu wa kampuni ya Motisun Group kutoka jijini Dar es Saalamu inayotengeneza bidhaa mbalimbali za ujenzi na juisi ya Sayona amelalamikia hatua ya  kuigwa kwa bidhaa zao na kuuzwa katika nchi za jumuiya ya Afrika mashariki jambo ambalo limekuwa likiwasababishia usumbufu kibiashara .
 
 Mwanzilishi wa kampuni ya Quickmarc Jiten   Shah alisema kuwa,wamekuwa wakifanya biashara mbalimbali katika nchi za jumuiya  kwa ushirikiano mkubwa ambapo wamekuwa  wakiendelea kupata  mafanikio makubwa katika biashara zao.

This is received, thanks for your comments, will come back to you

Previous Post Next Post