MSIKOPESHE WASIO NA UWEZO WA KULIPA TUKOPESHENI KURA ZENU CCM TUTALETA MAENDELEO -NYAMOGA

 

Mkuu wa wilaya ya Kilolo Asia Abdallah katikati akiwa na mgombea ubunge Kilolo Justin Nyamoga kushoto na mwenyekiti wa CCM wilaya ya Kilolo Kilian Mnyenzi mara baada ya mkutano wa kampeni kata ya Ilula .
.................................................................


MGOMBEA   ubunge  wa  jimbo la  Kilolo  kupitia  chama  cha mapinduzi (CCM)  Justin Nyamoga amewataka  wananchi  wa  jimbo  hilo kutofanya majaribio   ya kuchagua  viongozi wakati  wa uchaguzi mkuu utakaofanyika octoba 28 mwaka  huu.Mwandishi Francis Godwin anaripoti kutoka Kilolo

Nyamoga ametoa ushauri huo jana wakati wa uzinduzi wa kampeni za udiwani kata ya  Ilula  kuwa  lazima  wananchi  kuwa makini katika kuchagua  na kuacha kuacha kuchagua kwa  ushabiki  na badala yake  kuwachagua  wagombea  baada ya kusikiliza   sera na wale  wenye ilani ya uchaguzi badala ya kuchagua  wagombea wanaopanda  jukwaani kunadi  kejeli na matusi dhidi ya serikali .

" Tambueni mnapo mpigia  diwani ,mbunge na  Rais  kura  hizo  mmewakopesha na  wanatakiwa  kuwalipa maendeleo ndani ya kipindi  cha  miaka mitano  hivyo  umakini  unahitajika wakati wa  kupiga  kura  hakikisheni wote  tunaokuja mbele  yenu katika  majukwaa ya kampeni  tuwaelezeni nini  tutawafanyia mkituchagua  sio  kuleta porojo zisizo na  tija"  alisema Nyamoga
 

Kuwa  kwa  upande wa wagombea  wa  CCM kila wanapopanda  jukwaani  wamekuwa na ilani ya uchaguzi ambayo imebeba mambo  mbali mbali  ambayo iwapo  wananchi  watakopesha  kura  zao siku ya uchaguzi mkuu basi mambo  hayo ya  kimaendeleo yaliyopo kwenye ilani yatakwenda  kutekelezwa na kupitia  ilani  hiyo ni rahisi  kwa  wananchi  kumbana mwakilishi  wao iwapo atashindwa kutekeleza .

Kwani  alisema ndani ya ilani ya  uchaguzi ya  CCM imeeleza  wazi kwa  mikaka  mitano itafanya  nini katika  afya ,miundo mbinu ya maji ,barabara ,umeme  ,kilimo na mambo mengi ya kimaendeleo ambayo ni hitaji  kubwa la wananchi  tofauti na wapinzani ambao  badala ya  kuja na ilani ama  karatasi lenye vipaumbele  vyao wao  wanapanda  jukwaani na mambo ya porojo  yasiyo na tija kwa  maendeleo ya  wananchi .

Nyamoga  alisema   wananchi  wa  jimbo la Kilolo  wanahitaji maendeleo na wanatamani kupata  mbunge  ,diwani na Rais  mpenda maendeleo na  sio  kumpata  mtu wa  kuwahubiria chuki na porojo .

Alisema   kwa  kuwa unapomkopesha  mtu mkopo  unategemea  kulipwa ni lazima   kumkopesha yule  ambae ni mlipaji mzuri na  sio kumpa mkopo  mtu ambae  mkorofi  katika  urejeshaji mkopo na kudai kuwa CCM ni wakopaji maaminifu zaidi maana  wananchi  walikopesha kura  zao mwaka 2015 na  hadi sasa  hakuna  mkopo ambao haujalipwa maana  wameweza kulipa na  chenji  imebaki  hivyo ni matumani ya  CCM kuona  wanaongezewa  mkopo  mwingine wa  kura  octoba 28  ili  waweze  kuutumia kuleta maendeleo kwa miaka  mitano .
Nyamoga akipokea picha zawadi ya picha yake iliyochorwa na kijana wa Ilula 

Mgombea  huyo  alisema kura  ambazo  waliikopesha  CCM mwaka 2015  zimeweza  kuwalipa  wananchi maji Ilula pia umeme  hadi sasa ni vijiji  21  pekee  ndivyo vimebaki  pia  vituo vya afya vitano vimejengwa  katika wilaya ya  Kilolo .

Kwa  upande  wake mjumbe wa Halmashauri kuu ya CCM Taifa (NEC) Terresia Mtewele ambae  ndie  alikuwa mgeni  rasmi katika uzinduzi  huo  alisema  kuwa bado matumani makubwa ya wananchi Tanzania  yapo  ndani ya  CCM  kutokana na kazi kubwa na nzuri iliyofanywa na  serikali ya  awamu ya tano  chini ya Rais Dkt John  Magufuli .

Mtewele  alisema  kuwa  pamoja na jitihada kubwa zinazofanywa na  wapinzani  kubeza  miradi mikubwa  iliyotekelezwa na  serikali ya CCM   ila  miradi   hiyo imekuwa na faida  kubwa katika ukuaji wa uchumi wa Taifa  na hata wananchi wa  vijijini wananufaika  na ukuaji wa  uchumi  hivyo ni wakati mzuri wa  wananchi  kuwabeza  wapinzani kwa  kuwanyima kura siku ya uchaguzi mkuu .

Huku  mkuu wa  wilaya ya  Kilolo Asia Abdalah akisalimia katika mkutano  huo  alisema  kuwa  kwa upande wa serikali imeendelea  kutatua   kero mbali mbali za wananchi wa  wilaya ya Kilolo  na kero kubwa ya maji katika mji wa Ilula  imetatuliwa hivyo  wananchi  wenye kero  wasisite  kuitoa kwa  viongozi wa serikali ili ifanyiwe kazi.

Mkuu  huyo  wa wilaya  alisema viongozi wa serikali ni  wasimamizi wakuu wa  miradi ya kimaendeleo  na  kwa upande wake amefurahishwa na mwaliko wa  CCM katika mkutano  huo kwani yeye  vyama  vyote  vya siasa ni  vyake na akialikwa anafika maana  jukumu lake ni ulinzi na usalama na kuona uchaguzi unafanyika katika hali ya amani na utulivu katika wilaya  hiyo ya Kilolo.

Aidha  Asia  alisema amefanikiwa  kufanya  ziara mbali mbali katika wilaya ya Kilolo likiwemo eneo la Ilula na kusikiliza kero za wananchi pamoja na kuzitatua ikiwemo kero ya maji  iliyokuwa ikiwatesa wanawake  wa mji wa Ilula ambapo  sasa ndoa zao  zipo salama  zaidi na hakuna mwanamke anayepigwa kwa  kuchelewa  kutafuta maji.


This is received, thanks for your comments, will come back to you

Previous Post Next Post